Төчкергәннән соң нәрсә әйтергә?

Пәйгамбәребез Мөхәммәд салләллаһу галәйһи вә сәлләмнең бер хәдисендә болай дип әйтелгән: «Аллаһы Тәгаләгә иман китерүче (мөселман), төчкергән кешегә саулык-сәламәтлек теләсен».

Әбү Хурайра (Аллаһ аннан разый булсын) рәсүлнең түбәндәге сүзләрен җиткергән:

«Мөселманның башка мөселман алдында алты бурычы бар: очрашканда сәлам әйт, сине өстәл янына чакырса, бар, синнән киңәш сораса, киңәш бир. Әгәр төчкергәч, Аллаһны мактап, «Әлхәмдүлилләһ» дип хәмд әйтсә, » Ярхамукаллаһ» дип әйт. Әгәр авырып китсә, хәлен бел, вафат булса җеназасында катнаш».

Әбү Хурайра, бу хакта Аллаһы Илчесе әйткән мондый сүзләр турында да хәбәр иткән:

«Өч тапкыр төчкерсә дә, сәламәтлек телә, ә өч тапкырдан артык төчкерсә, димәк — чирләгән»

Мөселманга төчкергәннән соң нәрсә әйтергә?

Мөселман, төчкерсә «Әлхәмдулилләх» дип әйтә, бу — Аллаһка мактау дигәнне аңлата;
Янәшәдәге мөселман моны ишетсә «Ярхамукаллах» дип әйтергә тиеш: «Аллаһы сиңа шәфкать күрсәтсен» дигән мәгънәдә;
Төчкергән кеше, үз чиратында, » Яхдинә уә яхдикумуллах» дип җавап бирә, ягъни «Алла безне дә, сезне дә хак юлга күндерсен» ди.

Тирә-яктагы кешеләргә уңайсызлык тудырмас өчен, этикет кагыйдәләре буенча, төчкерүче түбәндәге таләпләрне үтәргә тиеш: