Ураза тоту — ул Исламның биш баганасының берсе, диннең мөһим өлеше. Ул безгә көчлерәк һәм сабыррак булырга ярдәм итә.
Ни өчен ураза тоту мөһим?
Ураза тоту — ул ашаудан һәм эчүдән генә баш тарту түгел. Бу безнең ихтыяр көче өчен сынау да. Ураза тотканда без сабыр итәргә һәм рәхмәтле булырга өйрәнәбез. Аллаһның илчесе (аңа салават, сәламнәр булсын) әйткән: «Ураза — сабырлыкның яртысы».
Уразаның башка игелекле эшләрдән аермасы
Ураза тоту башка игелекле эшләрдән иң катлаулысы булуы белән дә аерыла. Әмма Аллаһы Тәгалә аның өчен иң зур бүләк вәгъдә итә. Хәдистә болай диелә: «Ураза өчен Аллаһы Тәгалә ун тапкыр, бәлки җиде йөз тапкыр арттырып савап бирер».
Ураза тот шәһвәтләрдән тыелырга ярдәм итә
Без ураза тотканда, көчлерәк булабыз һәм төрле нәфес коткыларына яхшырак каршы тора алабыз. Аллаһының Илчесе болай дигән: «Чыннан да, шайтан кеше тәнендә йөри һәм аңа зыян китерергә юл эзли. Ләкин әгәр дә кеше бу юлларны ачлык белән кыса икән, шайтан аңа зыян китерә алмый».
Ураза тотучылар өчен җәннәт
Җәннәттә ураза тотучылар өчен генә ачылачак махсус капкалар бар. Бу — Райян исемле капка. Аллаһның илчесе әйткән: «Җәннәтнең сигез ишеге бар. Алар арасында Райян дигәне дә бар. Аның аша тик ураза тотучылар гына керәчәк».
Аллаһы Тәгалә ни өчен: «Ураза Минем өчен», — ди?
Уразаны Аллаһ хакына тотабыз. Моның өчен безне Ул үзе бүләкләргә вәгъдә итә. Ураза — ул Аллаһтан башка беркем дә күрми һәм белми торган гыйбадәт. Шуңа күрә ул аеруча мөһим.
